【波蘭 🇵🇱 克拉科夫】納粹集中營#2
呢度每一隻鞋👞、每一副眼鏡👓、每一個皮包💼、每一件義肢🦵... 曾經都屬於某人。咁多放埋一齊，一堆死物就變成真人實事。
.
某年某月某日，一車車猶太人被送到呢度。佢哋被政府通知要立即離開屋企嘅時候，只可以帶手提行李，所以都將最值錢嘅家當同必需品帶著。到達集中營，納粹軍立刻命令佢哋將身上所有嘢除低，人赤裸裸行去「被消毒」，物件就拎去分類。
.
值錢嘅貴金屬同現金當然即刻被上繳政府。而其他日常用品就一堆堆咁放置響集中營裏面。我冇影晒所有展品，冇心情。其中一個大房間裏面展覽咗人嘅頭髮，一束一束堆成一個小山丘—— 話說嗰度有成兩噸頭髮，屬於40,000位女性，都係響毒氣室被殺死之後剃落嚟嘅。點解要儲頭髮？當原材料從波蘭賣去德國，用嚟織布同整毡絨喎⋯⋯ 世界上有咁多材料點解要用人頭髮🤬？？？我無影相呀，要對死者尊重。你哋想知係點嘅話就上網search 「auschwitz hair」。
.
點解？？點解要咁做？🥺
要知點解只可以去問米，問希特拉做乜做人咁扭曲。
.
呢度每一件物件都係曾幾何時一位活生生嘅人活着嘅憑證。納粹軍將活人嘅價值貶到低過死物。
.
疤痕，日子耐咗就唔再痛，但係曾經發生過嘅事情係永恆嘅事實，唔會因為唔痛而被劘滅。奧斯威辛集中營紀念博物館 (Memorial and Museum Auschwitz-Birkenau)勾起新生代對歷史嘅聯想，要現世人汲取教訓唔好重蹈覆轍。呢個世界每個人都應該要去一次。
.
.
.
.
.
.
.
.
***唔係呀，我好乖響香港。Latergram嚟㗎
.
.
.
.
.
.
.
#豁出去漫遊不通知親友 #波蘭 #克拉科夫 #歐洲 #集中營 #博物館
.
#旅遊 #旅遊日記 #hktravelblogger #女遊人 #女遊神 #ilovehongkong #hkig #hkigers #hongkonger #hktraveler #周圍移
Search